উত্তৰ: মৌমাখি।।
২/ একাঠু পানীত ফুলজোপা ৰুলোঁ,
ফুলিল নে নুফুলিল চাবলৈ গ’লো।
উত্তৰ: চেপা ।।
৩/ কহে কবি কংকনে হিয়ালিৰ হিতা।
জন্ম দি এৰি যায় কাৰ পিতা-মাতা।।
ৰাতৃভাগে জন্ম তাৰ প্ৰভাতে মৰণ।
যাৰ ঘৰে জন্ম সি কৰায় ক্ৰন্দন।।
পিতৃসমে জন্ম তাৰ নাহিকয় মাওঁ।
আচোক মুখে পণ্ডিতে নাজানে ভাওঁ।।
উত্তৰ: 'চোৰ' চোৰে দিয়া সিন্ধি ।।
৪/ এক ভাই আছে ডালত , এক ভাই আছে স্থলত , দুই ভাই আকাশ মণ্ডলত ,চাৰিও ভাই লগ লাগে মৰণ কালত ?
উত্তৰ : তামোল - পাণ, চূণ, ধঁপাত ।।
৫/ সিংহাখনত বহি আছে নহয় নৃপতি
মূৰত কীৰিতি আছে নহয় সৰস্বতী ।।
উত্তৰ: মাটিকঠাল।।
৬/ ৰজা নহয় কিন্তু খাই বহি বহি
দিনে ৰাতিয়ে খুন্দা খাই দিয়ে যদি ভৰি।।
উত্তৰ : ঢেঁকীৰ গাড়ীশালি।।
৭/ ওপৰৰ পৰা পৰিল ডুম,
ডুমে বোলে মোৰ টিকা শুঙ।।
উত্তৰ: বেল।।
৮/ কিংকৰৰ কেশ , হুল যেন চকু দুটা নাঙলৰ বেশ ।।
উত্তৰ : মিছামাছ।।
৯/ ধোওঁতে থওঁ , বজাওঁতে থওঁ , ওলাওঁতে লওঁ , তাকে পিন্ধি মহা ভাগ্যৱান হওঁ ।।
উত্তৰ :আঙঠি।।
১০/ ধীৰে ধীৰে যায় হাত-ভৰি নাই , সকলোৱে খায় কাটিলেও মঙহ নাই ।।
উত্তৰ : পানী ।।
১১/ ইলিলিৎ চৰাইটোৱে বিলিলিৎ কৰে,সাগৰ দেখিলে পাংখা মেলে ।।
উত্তৰ : জাল ।।
১২/ ওপৰে চন্দ্ৰতাপ তৰিলে পৰে শাঁত মাজত এখন ঠেং , এৰি দিলে লাগে জেং ।।
উত্তৰ :- ছাতি ।।
১৩/ অকণমান পানীত বগলীটো চৰে,
পানীখিনি শুকাই গ’লে বগলীটো মৰে।।
উত্তৰ: চাকি ।।
১৪/ বাঘ হেন জাঁপ মাৰে,
কুকুৰ হেন বহে।
শিল হেন তল পৰে,
তুলা হেন ভাহে।।
উত্তৰ: ভেকুলী ।।
১৫/ উপজিয়ে মূৰত টুপী , কৃষ্ণ অৱতাৰে হৰিছিল গোপী , ৰাম অৱতাৰে ৰাৱণ বধি , সেই ব্যঞ্জনে শৱাই কাঁহী ।।
উত্তৰ :- বাঁহগাজ ।।
No comments:
Post a Comment